“Əl-Hilal” Marko Verratti ilə şəxsi müqavilənin şərtlərini razılaşdırıb.
İnsayder Fabrisio Romanonun sözlərinə görə, Səudiyyə klubu PSJ-nin yarımmüdafiəçisi ilə üç il müddətinə saziş imzalamağı düşünür.
Hazırda yekun nəticə “Əl-Hilal”dan 30 milyon avroluq təklifi qəbul etmək niyyətində olmayan PSJ-nin prezidenti Nasser əl-Xəlaifidən asılıdır. O, futbolçu üçün 80 milyon istəyir.
Tezliklə səudiyyəlilərin rəsmi cavabı açıqlayacaqları gözlənilir.
Bildirilir ki, Səudiyyə Ərəbistanında yarımmüdafiəçi ildə 20 milyon avro alacaq.
