Türkiyə Prezidenti Rəcəb Tayyib Ərdoğanı iyunun sonunda gərgin iş qrafiki gözləyir.
Müstəqil.Az Axar.az-a istinad edərək xəbər verir ki, Ərdoğan ayın sonunda Yaponiyadakı G-20 zirvəsində iştirak edəcək, zirvədən sonra isə Çinə səfər edəcək.
Ərdoğan 28-29 iyunda Osaka şəhərində keçiriləcək G-20 zirvəsi çərçivəsində Rusiya və ABŞ Prezidentləri ilə görüşəcək.
Ərdoğan-Tramp görüşündə Rusiyadan alınacaq S-400 zenit raket kompleksləri, F-35 proqramı çərçivəsində baş verənlər və Suriyanın şimalında yaradılacaq təhlükəsizlik bölgəsi müzakirə olunacaq. Ekspertlər iki ölkənin S-400 məsələsində ortaq məxrəcə gəlməsi və Trampın Türkiyə səfərinin taleyinə aydınlıq gəlməsi üçün bu görüşün kritik əhəmiyyətə malik olduğunu qeyd ediblər.
Ərdoğanın G-20 zirvəsində daha bir vacib görüşü Rusiya lideri Vladimir Putinlə olacaq. Bu görüşdə Suriyada son yeniliklər və Əsəd rejiminin kəskin hücumlarına məruz qalan İdlib bölgəsi əsas müzakirə mövzusu olacaq.
Ərdoğan Yaponiyadakı G-20 zirvəsindən sonra 2 iyulda Çinə səfər edəcək. Ərdoğan Pekində Çin Prezidenti Si Szinpinlə təkbətək və nümayəndə heyətlərinin iştirakı ilə geniştərkibli görüş keçirəcək.
Orxan
