Hindistanın şərqindəki Bihar əyalətində yaşayan 63 yaşlı Sakal Dev Tuddu 40 ildir saçlarını kəsmir.
Metbuat.az xarici mediaya istinadla bildirir ki, saçları 1.8 metrə çatan adam 40 ildir ki, saçlarını nə kəsdirir, nə də yuyur.
Dev Tuddunun iddiasına görə, 40 il əvvəl Tanrı ona yuxusunda səslənərək saçlarını bir də kəsməməyini və yumamağını deyib.
Dev Tuddunun qonşuları onun müqəddəs olduğunu düşünür və ona hörmət edirlər. O, 31 il meşə departamentində işləyib. İndi isə həyat yoldaşı, 6 uşağı və 7 nəvəsi ilə birlikdə yaşayır.
Bir çox insan Tuddu ilə tanış olmaq və foto çəkdirmək üçün onun yaşadığı yerə gedir.
