Gürcüstan millisi 2022-ci il Millətlər Liqasında uğur qazanıb.
Oxu.Az xəbər verir ki, yarışın beşinci turunda gürcülər Şimali Makedoniya komandası ilə üz-üzə gəliblər.
Makedoniyalılar qapıya dəfələrlə zərbələr vursalar da, hücumda heç nəyə nail olmayıblar. Gürcüstan komandası isə cəmi iki dəfə olsa da, hədəfə vurub və iki qola nail olub.
Gürcüstan 2:0 hesabı ilə qalib olub.
Nəticədə Gürcüstan 13 xalla qrup birinciliyini qazanıb.
Millətlər Liqasının növbəti püşkatmasında Gürcüstan komandası B liqasında çıxış edəcək.
Eyni zamanda Estoniya millisi də Millətlər Liqasının D qrupunda birincilik əldə edib.
Estoniya millisi Malta ilə qarşılaşıb. 45-ci dəqiqədən etibarən qonaqlar azlıqda oynayıblar və dərhal penaltidən qol buraxıblar.
Sonda Henri Anier Estoniyaya qələbə qazandırıb və klub qrupun qalibi olub – 2:1
Bununla Estoniya millisi qrup birinciliyi ilə yanaşı C Liqasında oynamaq hüququ da qazanıb.
