Honduras prezidenti Siomara Kastro nazirlərə və digər hökumət rəsmilərinə ehtiyacı olmayan insanlara Milad hədiyyələri verməyi qadağan edib.
“Mən küçələri və prospektləri gəzərkən məhdud imkanlar səbəbindən uşaqlarını, qocalarını və əlillərini daşıyan qadınların kömək və ya yemək istədiklərini gördüm. Ona görə də mən şənliklərə, hədiyyələrə, mükafatlara xərclənən, lakin dəstəyə və yeməyə ehtiyacı olan insanlara yönəldilməyən dövlət vəsaitlərindən istifadəni qadağan edirəm”, – deyə o, bildirib.
Dövlət başçısı nazirlərə və müəssisə rəhbərlərinə yemək və dərman paylamaq üçün şəhərlərə və yoxsul kəndlərə getməyi tapşırıb.
Prezidentin bəyanatları Milli Konqresdəki mübahisələr fonunda səslənib. Parlamentin rəhbəri Luis Redondo hər deputat üçün 100 min lempira (4 min dollar) məbləğində “Milad bonusu”nu təsdiqləyib.
Mükafatın verilməsi xəbəri bəzi deputatların kəskin etirazına səbəb olub. Bundan sonra Luis Redondo qeyd edib ki, bu mükafat deyil, sosial yardım üçün subsidiyadır.
Mənbə: rossaprimavera.ru
