ABŞ-ın Pasadena şəhərində reaktiv hərəkət laboratoriyasının geoloqları Yer və Veneranın üst qabığının eyni qalınlığa malik olduğunu aşkar ediblər.
Komanda 1990-cı illərdə planetin orbitindən Veneranın ətraflı və tam miqyaslı radar kartoqrafiyasını həyata keçirən “Magellan” kosmik gəmisi tərəfindən toplanmış məlumatları təhlil edib.
Alimlər çoxlu hesablamalar apararaq belə nəticəyə gəliblər ki, litosferin orta qalınlığı 11 ± 7 kilometrdir.
Bundan əlavə, Yerdəki proseslərə bənzər proseslər Veneranın daxilində də baş verir: mantiya şleyfləri, intruziv maqmatizm və istilik axınlarını gücləndirən soyulma və s.
Tədqiqatçıların fikrincə, Venera 4-2,5 milyard il əvvəl Yerə bənzəyib.
Mənbə: gazeta.ru
