Yanvarın 7-də bütün dünyada pravoslav xristianları İsa Məsihin doğulmasını qeyd edirlər.
“Qafqazinfo” xarici KİV-ə istinadən xəbər verir ki, Milad bayramı rus, gürcü pravoslav kilsələri, Yunanıstandakı Athos monastırları, eləcə də Şərqi Katolik Kilsəsi tərəfindən qeyd olunur.
Belə ki, bu bayram 25 dekabr gecədən başlayır. Həmin gün pravoslavlar üçün 40 günlük pəhrizin sonuncu günü və Milad bayramına hazırlıq dövrüdür. Günəş batandan sonra bütün ailə masa arxasında toplaşır. Süfrəyə İsa peyğəmbərin həvarilərinin sayına uyğun olaraq 12 pəhriz yeməyi qoyulur və bu yeməklərin hər birindən mütləq dadmaq lazımdır. Masada canlı alov – şam yanır. Müqəddəs gecənin ən başlıca yeməyi kutyadır. Adətən onu buğdadan hazırlayırlar. Amma üyüdülməmiş başqa yarmadan da istifadə etmək olar. Taxıl dənləri vahid bəşəriyyətin rəmzidir. Kutyada birləşdirici vasitə kimi bal və ya siropdan istifadə olunur. Bu şam yeməyi ilə Milad pəhrizi başa çatır.
Yanvarın 7-də isə bütün yemək məhdudiyyətləri aradan qaldırılır və əsl bayram ziyafəti təşkil edilir.
