“Azərbaycanın Tehrandakı səfirliyinə hücumu pisləyir və İran hökumətinə xatırladırıq ki, İrandakı xarici diplomatların təhlükəsizliyini təmin etməyə borcludur”.
“Qafqazinfo” xəbər verir ki, bunu ABŞ Dövlət Departamentinin sözçüsü Ned Prays tviter sosial şəbəkəsində yazıb.
Ned Prays terror aktı nəticəsində həlak olan Orxan Əsgərovun yaxınlarına başsağlığı verib, yaralılara şəfa diləyib.
Qeyd edək ki, yanvarın 27-də səhər saatlarında Azərbaycanın İrandakı səfirliyinə terror hücumu olub. Avtomatla silahlanmış şəxs səfirliyin binasına daxil olaraq mühafizə xidmətinin rəisi Orxan Əsgərovu qətlə yetirib, iki əməkdaşı isə yaralayıb.
