ABŞ Prezidenti Co Bayden fevralın 20-22-də Polşada səfərdə olacaq.
“Qafqazinfo” xəbər verir ki, bu barədə Ağ Evin mətbuat xidməti məlumat verib.
Bildirilib ki, C.Bayden səfər çərçivəsində polşalı həmkarı Anjey Duda ilə görüşəcək, “Buxarest doqquzluğu” ölkələrinin rəhbərləri ilə bir araya gələcək, eləcə də Rusiyanın Ukraynaya hərbi müdaxiləsinin birinci ildönümü münasibətilə çıxış edəcək.
Qeyd edilib ki, A.Duda ilə görüşdə ikitərəfli əməkdaşlığın gücləndirilməsi, həmçinin Ukraynanın dəstəklənməsi və NATO-nun çəkindirici gücünün möhkəmləndirilməsi istiqamətində kollektiv səylər müzakirə ediləcək.
