Moskva Polisinin Miqrasiya Xidməti Qırmızı Meydanda buzov gəzdirən ABŞ vətəndaşı Alisiya Dayın 40 il müddətinə Rusiyaya girişinə qadağa qoymaq qərarına gəlib.
“9 avqust 1988-ci il təvəllüdlü ABŞ vətəndaşı Day Alisiyanın 2063-cü il fevralın 13-dək Rusiya Federasiyasına girişinə icazə verilməməsi barədə qərar qəbul edilsin”, – Troitski məhkəməsində elan edilən hökmdə bildirilib.
Amerikalıya münasibətdə lazımi protokol tərtib edilib. O, Rusiya Federasiyasının İnzibati Xətalar Məcəlləsinin 18.8-ci maddəsi (“Xarici vətəndaşın Rusiya Federasiyasına giriş rejimini pozması”) üzrə ittiham olunub. Belə ki, qadın Rusiyada qeydiyyatsız yaşayıb.
Day cümə axşamı jurnalistlərə bildirib ki, o, Rusiyanı tərk etmək qərarına gəlib.
Mənbə: iz.ru
