Fransa Prezidenti Emmanuel Makron pensiya islahatından narazı olan ölkə vətəndaşlarının problemləri ilə maraqlanmır.
Bu barədə martın 26-da Avropa Parlamentinin Fransadan olan deputatı Tyeri Mariani məlumat verib.
O qeyd edib ki, Makron birinci və ikinci dövr üçün aydın proqram təqdim etməyib və hakimiyyətə gəlişi ilə bağlı jurnalistlərə qıcıqlanaraq cavab verib.
“O, özü haqqında çox yüksək fikirdədir”, – deyə Mariani vurğulayıb.
Bundan əlavə, deputatın sözlərinə görə, ilk prezidentlik dövründə Makron bütün pensiya sistemini dəyişmək arzusunu bəyan edib.
“Bu qanunun mətni qüvvəyə mindikdən sonra ertəsi gün prezident vəziyyəti sakitləşdirmək əvəzinə insanlara axmaq olduqlarını, onun islahatlarından heç nə başa düşmədiklərini söyləyib”, – Mariani bildirib.
Deputat bildirib ki, Makron həmçinin Fransadakı etirazçıları ABŞ-də Kapitolini ələ keçirənlər və Braziliyada iğtişaşlar törədənlərlə müqayisə edib. Dövlət başçısı nümayişçilərə qarşı səhlənkarlıq və hörmətsizlik göstərib.
“Prezident fransızları başa düşməyə çalışmaq əvəzinə deyir ki, əgər mənim islahatımı başa düşmürsənsə, deməli, axmaqsan”, – deyə Mariani yekunlaşdırıb.
Mənbə: iz.ru
