Müstəqil.Az -a “Dənizçilərə Sosial Dəstək” İctimai Birliyinin Dövlət Dəniz və Liman Agentliyinin mətbuat xidmətindən əldə etdiyi məlumata istinad edərək xəbər verir ki, Dövlət Dəniz və Liman Agentliyi ilə Türkiyənin Nəqliyyat və İnfrastruktur Nazirliyinin Dənizçilik Baş İdarəsi arasında Anlaşma Memorandumu imzalanıb.
Azərbaycan Respublikasının Rəqəmsal İnkişaf və Nəqliyyat Nazirliyinin tabeliyində olan Dövlət Dəniz və Liman Agentliyi ilə Türkiyə Respublikasının Nəqliyyat və İnfrastruktur Nazirliyinin Dənizçilik Baş İdarəsi arasında dəniz nəqliyyatı sahəsində əməkdaşlıq haqqında Anlaşma Memorandumu imzalanıb.
Anlaşma Memorandumunu Türkiyə nümayəndə heyətinin Azərbaycana səfəri
çərçivəsində Dövlət Dəniz və Liman Agentliyinin İdarə Heyətinin sədri Arif Məmmədov
və Türkiyənin Dənizçilik Baş İdarəsinin müdiri Ünal Baylan keçirilmiş ikitərəfli görüş
zamanı imzalayıb.
Anlaşma Memorandumunda bələdçilər, gəmilərin nəzarət yoxlamasını həyata keçirən müfəttişlər və gəmi idarəetmə xidmətinin operatorları üçün Türkiyə tərəfindən təlimlərin keçirilməsi, Beynəlxalq Dəniz Təşkilatının audit yoxlamasına hazırlıqla bağlı yardım, eləcə də Azərbaycanda dəniz nəqliyyatının iştirakçıları arasında məlumat mübadiləsini asanlaşdıracaq Vahid Dənizçilik Pəncərəsinin tətbiqi sahəsində dəstək məsələləri əks
olunub.
Daha sonra Türkiyə nümayəndə heyəti Dövlət Dəniz və Liman Agentliyinin Gəmi Hərəkətinin İdarəedilməsi Mərkəzinin fəaliyyəti ilə tanış olub.
Tərəflər, həmçinin “Azərbaycan Xəzər Dəniz Gəmiçiliyi” QSC və “Bakı Beynəlxalq Dəniz
Ticarət Limanı” QSC-də də görüşlər keçiriblər.
Müstəqil.Az
