Dünyanın ilk “su metrosu” artıq Hindistanın cənubundakı Kerala ştatı sularında sərnişinlərinə xidmət edir. Unikal nəqliyyat növünün yaradılması barədə qərar ucqar rayonlarda turizmi genişləndirmək üçün qəbul edilib.
Müstəqil.Az “Seanews.az” -a istinad edərək xəbər verir ki, “su metrosu” Keralada yerləşən Koçini Ərəb dənizindəki 10 yaxın ada ilə birləşdirəcək.
“Keralanın ölkəyə və dünyaya təklif edəcəyi çox şey var. Əminəm ki, Keralada həyata keçirilən bu təcrübə ölkənin digər ştatları üçün də nümunə olacaq”, – Baş nazir Narendra Modi yeni üzən gəminin təqdimat mərasimində deyib.
Hindistanın turizm naziri Arvind Sinq isə bildirib ki, administrasiya ziyarətçilərin ölkənin daha çox ərazisini görmələri üçün 50 yeni turizm istiqaməti və 59 hava marşrutu yaratmağı planlaşdırır.
Müstəqil.Az
