Ağ Ev dekabrdan bəri Ukrayna ilə müharibədə 20 mindən çox rus əsgərinin həlak olduğunu açıqlayıb.
“Qafqazinfo” xarici KİV-ə istinadən xəbər verir ki, bu haqda Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi açıqlama verib.
“Əldə etdiyimiz kəşfiyyat və məlumatlara əsasən, rusların dekabr ayından bəri 100 min itki verdiyini təxmin edirik”, – deyən Kirbi onlardan 80 mininin yaralandığını, 20 mininin isə həyatını itirdiyini iddia edib.
Kirbi bildirib ki, 20 min itki verən rus qoşunlarının təxminən yarısı Rusiyanın bütün həbsxanalarından cəlb edilmiş keçmiş cinayətkarlar olan muzdlu “Vaqner” döyüşçüləridir.
