Danimarka digər ölkələri Ukrayna Silahlı Qüvvələrinin (AFU) F-16 qırıcıları ilə bağlı təlimlərinə qoşulmağa çağırıb.
“qafqazinfo” “TASS”a istinadən xəbər verir ki, bu barədə Danimarkanın müdafiə naziri səlahiyyətlərini icra edən Troels Lund Poulsen bildirib.
“Mən bu gün apardığımız müzakirələrə nikbin baxıram. Belçika, Böyük Britaniya və Niderland artıq iştirak etməyə hazır olduqlarını bəyan ediblər, lakin mən aydın hiss edirəm ki, digər dövlətlər də ukraynalı pilotların hazırlanmasını təşkil edən ölkələrin koalisiyasına qoşulacaqlar”, – deyə qeyd edib.
