Fransada “Disneyland Paris” əyləncə parkının işçiləri maaşlarının artırılması tələbi ilə tətilə başlayıblar.
“Qafqazinfo” xarici KİV-ə istinadən xəbər verir ki, yüzlərlə əməkdaş tələblərini ictimaiyyətə çatdırmaq üçün parkın daxilində nümayiş keçirib.
Əllərində müxtəlif həmkarlar ittifaqı bayraqları olan əməkdaşlar fit çalaraq parkı gəziblər.
Qeyd edək ki, 1992-ci ildə istifadəyə verilən və Parisə gələn turistlərin getdiyi yerlərdən biri olan “Disneyland” hər il milyonlarla ziyarətçini qəbul edir.
