Ötən ay aktrisa Arzum Onanla 27 illik evliliyi bitən tanınmış aktyor Mehmet Aslantuğun yeni münasibətə başlaması barədə iddialar yayılıb.
“Qafqazinfo” “Hürriyet”ə istinadən xəbər verir ki, cütlüyün boşanmasına səbəb kimi bir çox iddialar irəli sürülsə də, Onan hamısını yalanlayaraq boşanma təklifini Aslantuğun etdiyini bildirmişdi. Lakin boşanmalarından qısa müddət sonra Mehmetin yeni münasibətə başlaması ilə bağlı yayılan xəbərlər aktrisanın dediklərini təsdiqləyib.
Belə ki, məlumata görə, Mehmet Aslantuğ biznes-ledi Gözde Akpınarla münasibətə başlayıb. Onların qısa müddət əvvəl tanış olduğu deyilir.
Qeyd edək ki, Arzum Onanla Mehmet Aslantuğun 1 oğul övladları var. Mayın 29-da baş tutan və cəmi 10 dəqiqə davam edən məhkəmə iclasına cütlük əl-ələ gəlmişdi.
