Şəkidə “Kamaz” markalı yük avtomobili yanıb. Nəticədə sürücü xəsarət alıb.
“Qafqazinfo”nun məlumatına görə, hadisə rayonun Kiçik Dəhnə kəndində olub.
Məlum olub ki, avtomobil 1993-cü il təvəllüdlü Quliyev Vüqar Mustafa oğluna məxsus olub.
Hadisə yerinə yanğınsöndürən texnika və şəxsi heyət cəlb olunub. Yanğın nəticəsində avtomobilinə qoşulmuş qoşqu və üzərindəki ot yanıb. Sürücü V. Quliyev isə müxtəlif dərəcəli yanıq xəsarəti alaraq, xəstəxanaya yerləşdirilib.
Faktla bağlı araşdırma aparılır.
Mübariz Muradov
