Azərbaycan Ordusunun bir qrup yaradıcı heyəti “Astana – Mədəniyyət karvanı” adlı beynəlxalq hərbi-musiqi festivalında iştirak etmək üçün Qazaxıstana səfər edib.
Bu barədə Müdafiə Nazirliyindən bildirilib.
Qeyd edilib ki, Hərbi Orkestrin və Həzi Aslanov adına Ordu İdeoloji və Mədəniyyət Mərkəzinin yaradıcı kollektivi festivalda maraqlı musiqi nömrələri təqdim edəcək.
Astana şəhərinin 25 illiyinə həsr olunmuş tədbirlər çərçivəsində keçiriləcək festival iyulun 9-dək davam edəcək.
