İspan şahzadəsi Leonor Cənubi Uelsdəki nüfuzlu özəl məktəbi bitirdikdən sonra tezliklə İspaniyada üçillik hərbi təlimə başlayacaq.
Qeyd edək ki, İspaniya taxtının 17 yaşlı varisi may ayında Veyl-of-Qlamorqan qraflığının BDK Atlantikin Beynəlxalq Bakalavr dərəcəsini alıb.
Leonor gələn ay atası Kral Felipenin, eləcə də ölkənin üç silahlı qüvvələrinin hər birində hərbi təlim almış babası Xuan Karlosun yolunu davam etdirərək, hərbi xidmətə çağırılmalıdır.
Onun təlimi Saraqosadakı Hərbi Akademiyada keçəcək. Daha sonra Xuan Sebastiyan Elkano təlim yelkənli gəmisində üzməyi də özündə birləşdirən Dəniz Məktəbinə gedəcək və daha sonra Hava Akademiyasında təhsilini başa vuracaq.
Xatırladaq ki, oktyabrda 18 yaşı tamam olan şahzadə Jironada keçirilən Jirona şahzadəsi Fondunun mükafatlandırma mərasimində tezliklə kursant olmaq həvəsini dilə gətirmişdi.
“Mən orta məktəbi təzəcə bitirmişəm və hərbi hazırlıq dövrü ilə yeni mərhələyə başlamaq üzrəyəm. Mən xoşbəxtəm, çünki ispanların silahlı qüvvələrimizi nə qədər yüksək qiymətləndirdiklərini bilirəm. Bu, həyatımda mühüm məqamdır. Mən çox həyəcanlı və təhsilimi davam etmək üçün əlimdən gələni etmək əzmindəyəm”, – deyə şahzadə bildirmişdi.
Keçən ilin sentyabrında İspaniya Sarayı Şahzadə Leonorun 2026-cı ildə üçillik hərbi təhsili başa çatdıqdan sonra hüquq təhsili almaq üçün universitetə daxil olacağını elan etmişdi. Leonorun universitet seçimi bilinməsə də, şahzadənin akademik təhsili artıq atası Kral Felipe ilə oxşarlıqlar daşıyır.
Mənbə: focus.ua
