Belçikanın paytaxtı Brüsselin Anderlext bələdiyyəsinin Delakroix metro stansiyasında vaqona ammonyak olduğu təxmin edilən zəhərli maddə atılıb.
“Qafqazinfo” xarici KİV-ə istinadən xəbər verir ki, MVİB ictimai nəqliyyat şirkəti açıqlama yayıb.
Zəhərli maddəyə məruz qalan iki nəfərə xəstəxanada tibbi yardım göstərilib. 2 və 6 saylı metro xətlərinin fəaliyyəti dayandırılıb.
Hadisə şahidlərinin yerli mətbuata verdiyi məlumata görə, orta yaşlı bir kişi metrodan düşməzdən əvvəl mayeni vaqona atıb.
