ABŞ-də insultdan sonra ağır iflic keçirən qadın rəqəmsal cihaz vasitəsilə danışa bilib. Yeni texnologiya xəstənin beyin siqnallarını onun ekrandakı avatarının nitq və mimikasına çevirib.
Xəstə 18 il əvvəl insult keçirib və o vaxtdan bəri danışa və yaza bilmir. O, hərəkətləri izləyən və dəqiqədə 14 sözə qədər sürətlə hərfləri götürməyə imkan verən köhnə texnologiya ilə ünsiyyət qura bilirdi. Bu, yeni cihazın imkanları ilə müqayisədə yavaşdır. İndi qadın yeni rəqəmsal avatar vasitəsilə konsultant işləyə biləcəyinə ümid edir.
“Bu nailiyyət beyin-kompüter interfeyslərinin (BCI) insult və yan amiotrofik skleroz (ALS) kimi xəstəliklərə görə nitq qabiliyyətini itirmiş insanların həyatını dəyişdirə biləcəyinə ümid verir”, – deyə nəşrdə qeyd olunur.
Yeni texnologiya beynin nitq və mimikaya cavabdeh olan hissəsində aktivliyi aşkar etmək üçün beynin səthinə implantasiya edilmiş kiçik elektrodlardan istifadə edir. Onları quraşdırdıqdan sonra alimlər və xəstənin özü nitq səsləri üçün onun beyin siqnallarını tapmaq imkanı yaradan sistemin süni intellekt alqoritmini öyrəniblər. Süni intellekt ümumilikdə 39 siqnal yaddaşda saxlaya bilib. Siqnalları başa düşülən cümlələrə çevirmək üçün həmçinin ChatGPT-dən də istifadə edilib. Sonra bütün bunlar nəticədə mimikaları təkrarlayan və sözləri xəstənin səsi ilə səsləndirən avatar yaratmaq üçün istifadə edilib. Üstəlik, 500-dən çox ifadənin daxil edildiyi yoxlama zamanı texnologiya 28% hallarda sözləri səhv deşifrə edib.
Mənbə: The Guardian
