Quba rayonunda ağır yol-nəqliyyat hadisəsi olub.
“Qafqazinfo” xəbər verir ki, hadisə Quba-Xaçmaz yolunun Alakseyevka kəndi ərazisində baş verib.
Zəncirvari qəzada üç maşın toqquşub. Hadisə nəticəsində 2 nəfərin öldüyü bildirilir.
Hazırda faktla bağlı araşdırma aparılır.
***
Hadisə ilə bağlı Daxili İşlər Nazirliyi məlumat yayıb.
Qurumun Mətbuat Xidmətinin Quba regional qrupundan verilən məlumata görə, sentyabrın 10-u axşam saatlarında Quba rayonunun Alekseyevka kəndi ərazisində “Mersedes”, “Vaz-2107” və “Niva” markalı avtomobillərin iştirakı ilə yol nəqliyyat hadisəsi baş verib.
Hadisə nəticəsində 2 nəfər ölüb, 3 nəfər müxtəlif dərəcəli bədən xəsarətləri ilə Rayon Mərkəzi Xəstəxanasına yerləşdiriliblər.
Faktla bağlı araşdırmalar davam etdirilir.
