“İsraildə baş verən son hadisələrlə əlaqədar olaraq “Azərbaycan Hava Yolları” aviaşirkəti bazar günü, oktyabrın 8-nə planlaşdırılan Tel-Əvivin Ben Gurion hava limanına və oradan geri istiqamətində bütün reyslərini ləğv edir”.
Bu barədə “Qafqazinfo”ya “Azərbaycan Hava Yolları” QSC-dən bildirilib.
Bakı-Tel-Əviv-Bakı marşrutu üzrə uçuşların həyata keçirilməsi ilə bağlı əlavə məlumat veriləcək.
Tel-Əvivə bileti alan sərnişinlər pulun tam geri qaytarılması və ya pulsuz bilet dəyişdirilməsi hüququna malikdirlər.
Dəyişikliklər barədə məlumat almaq üçün sərnişinlərə aviaşirkətin callce[email protected] elektron ünvanına müraciət etmələri tövsiyə olunur.
Aviaşirkət hazırda Tel-Əvivə aviabiletlərin satışını növbəti xəbərdarlığa qədər dayandırıb.
Qeyd edək ki, aviaşirkətin prioriteti uçuşların və sərnişinlərin təhlükəsizliyidir.
