Bizim WhatsApp kanalımıza buradan abunə ola bilərsiniz
Rusiyanın Yəhudi Muxtar Vilayətinin rəhbəri Rostislav Qoldşteyn İsrail və Qəzzadan olan qaçqınları öz bölgəsinə dəvət edib.
O, bu təklifi Uzaq Şərq etno-konfessional turizm forumu zamanı “Razılıq ərazisi” çıxışı zamanı irəli sürüb.
Qoldşteyn qeyd edib ki, qaçqınlar Uzaq Şərqə könüllü köçürmə proqramının iştirakçıları üçün bütün dəstək tədbirlərindən, o cümlədən “Uzaq Şərq İpotekası” və “Uzaq Şərq Hektarı” proqramlarından, eləcə də biznesə dəstək tədbirlərindən yararlana biləcəklər.
Yəhudi Muxtar Vilayətinin rəhbərinin sözlərinə görə, uzun illərdir ki, region dünyada baş verən silahlı münaqişələrə baxmayaraq, öz torpağında sülh və əmin-amanlığı qoruyub saxlaya bilib.
“Bizim üçün hər bir can önəmlidir. Onların həmişə bəhanələri və səbəbləri var, lakin bu qanlı ətçəkən maşında dinc sakinlərin: qocalar, qadınlar və uşaqların əziyyət çəkməsi qorxuncdur. Hazırda İsrail və Qəzzada məhz bu baş verir”, – deyə Qoldşteyn əlavə edib.
Mənbə: RTVI
