Lənkəran Təcili və Təxirəsalınmaz Tibbi Yardım şöbəsinin növbətçi həkimi Bəxtiyar Hadiyev -nın Cənub bürosuna bildirib ki, küləklə bağlı dünən axşam saatlarından indiyə kimi 25 çağırış olub. Bu da əvvəlki günlərlə müqayisədə bir neçə dəfə çoxdur.
***
01.21
Sütəmurdov kəndində aşan 2 iri gövdəli ağac yoldan kənarlaşdırılıb.
-nın hadisə yerində olan müxbirinin verdiyi məlumata görə, kənd ərazi icra nümayəndəliyinin gördüyü tədbirlər nəticəsində yolda hərəkət bərpa olunub.
***
01.04
Lənkəranda külək ağacı çağırışa gedən təcili tibbi yardım avtomobilinin üzərinə aşırıb. Avtomobilə ziyan dəyib.
-nın cənub bürosunun verdiyi məlumata görə güclü külək Lənkəran rayonunun Sütəmurdov və Separadi kəndlərində ağacları yola aşırıb. Hazırda həmin istiqamətdə avtomobillərin hərəkətində məhdudiyyət yaranıb.
Güclü külək davam edir.
***
00.04
Cənub bölgəsində güclü külək əsməyə başlayıb. Rayonların əksər əraziləri işıqsızdır.
-nın Cənub bürosunun verdiyi məlumata görə artıq 1 saatdan çoxdur cənub rayonlarında güclü külək əsməyə başlayıb. Qəfil başlayan külək səbəbindən rayonların əksər ərazilərində elektrik enerjisinin verilməsi dayandırılıb.
Hazırda bölgədə küləkli hava şəraiti davam edir və küləyin sürəti saatda 20-28 km arasında dəyişir.
