Rusiyanın Ryazan şəhərində 44 yaşlı azərbaycanlı 17 il əvvəl törədilən qətldə şübhəli bilinərək saxlanılıb.
Rusiya mediasına istinadən xəbər verir ki, istintaqın məlumatına görə, qətl hadisəsi 2006-cı il yanvarın 2-də axşam saatlarında Vıborq şəhərindəki yanacaqdoldurma məntəqəsində baş verib. Həmyerlimizin mübahisə zamanı 30 yaşlı opponentini ürək nahiyəsindən bıçaqladığı bildirilir. Ölən şəxsin cəsədi “VAZ-2107” markalı avtomobilin salonunda aşkar edilib.
Polis şübhəli şəxsi polis şöbəsinə aparıb və iki sutka prosessual həbs edib. Məlum olub ki, 44 yaşlı azərbaycanlı 2 il əvvəl Rusiya vətəndaşlığını alıb.
