ABŞ Yəmənin üsyançı “Ənsar Allah” (husilər) hərəkatını yenidən terror təşkilatları siyahısına salıb.
TASS-a istinadən xəbər verir ki, bunu jurnalistlər üçün xüsusi brifinqdə Amerika administrasiyasının yüksək rütbəli nümayəndəsi bildirib.
O qeyd edib ki, dəfələrlə edilən xəbərdarlıq və diplomatik təsirlərə baxmayaraq husilər hücumlarından əl çəkməyiblər: “Yenidən güclənmiş hücumlara cavab olaraq ABŞ onları terror təşkilatları siyahısına salır”.
Qeyd edək ki, keçmiş Amerika lideri Donald Trampın administrasiyası 2021-ci ilin yanvarında “Ənsar Allah” hərəkatını terror təşkilatları siyahısına əlavə etsə də həmin ilin fevralında Co Bayden administrasiyası husiləri bu siyahıdan çıxarmışdı. ABŞ dövlət katibi Entoni Blinkenin bəyanatında bu qərarın humanitar səbəblərə görə verildiyini vurğulamışdı.
