Lənkəranda baş verən qəzada ölən və xəsarət alanların kimliyi məlum olub.
-nın Cənub bürosunun verdiyi məlumata görə, qəzada Lənkəran rayonunun Mamusta kənd sakini, 1998-ci il təvəllüdlü Azər Arzuman oğlu Babayev hadisə yerində ölüb.
Lənkəran rayonunun Xanbulan kənd sakini, 1998-ci il təvəllüdlü Ülvi Elşad oğlu Əzizli və həmkəndlisi 2003-cü il təvəllüdlü Riad Mehman oğlu Qurbanov müxtəlif dərəcəli xəsarətlər alaraq Lənkəran Rayon Mərkəzi Xəstəxanasına çatdırılıblar.
Ü.Əzizlinin vəziyyəti ağır olduğundan o, reanimasiya şöbəsinə yerləşdirilib.
***
Saat 22:16
Lənkəranda ölümlə nəticələnən yol-nəqliyyat hadisəsi baş verib.
-nın Cənub bürosunun verdiyi məlumata görə, hadisə köhnə Ələt-Astara magistralının 214-cü kilometrliyində qeydə alınıb.
Hərəkətdə olan “VAZ-2107” markalı minik avtomobili idarəetməni itirərək yol kənarındakı iri gövdəli ağaca çırpılıb.
Qəza nəticəsində sürücü ölüb.
İki sərnişin müxtəlif dərəcəli xəsarətlər alaraq Lənkəran Rayon Mərkəzi Xəstəxanasına çatdırılıblar.
Faktla bağlı araşdırma aparılır.
