İslamafobiyaya dair Bakıda keçirilmiş konfrans müsəlman azlıqların diskriminasiyaya məruz qalmaması üçün ictimaiyyətin maarifləndirilməsi sahəsində çalışan akademiklər üçün vacib əhəmiyyətlidir.
Bunu -nın Qarabağ bürosuna açıqlamasında ABŞ-ın Ratqers Universitetinin Hüquq Məktəbinin professoru Sahar Aziz deyib.
“İslamafobiya konfransı xüsusilə də Qərb ölkələrində və Avropada islamafobiya kimi real problemlə bağlı ictimaiyyətin maarifləndirilməsi yolu ilə müsəlman azlıqların qorunmasına, təcavüzə və ya diskriminasiyaya məruz qalmamasına çalışan akademiklər üçün vacibdir. Biz müsəlmanlara və İslama digər inanclar kimi bərabər münasibət göstərilməsi istəyirik”, – Sahar Aziz deyib.
Professor Şuşaya səfərinin ona Azərbaycan tarixini öyrənmək istəyi yaratdığını vurğulayıb.
“Şuşaya səfər gözəl idi. İlk dəfədir buradayam. Şəhərin gözəlliyindən, tarixindən, xüsusilə də mədəni tarixindən çox təsirləndim. Azərbaycanla və Şuşa ilə bağlı daha çox öyrənmək istəyirəm”, – o, bildirib.
Emin Babayev, Səid Babazadə
