Prezident İlham Əliyevin Sərəncamı ilə təsdiqlənən “Yaşıl dünya naminə həmrəylik ili”nə töhfə vermək məqsədilə “Yaşıl UNEC” ili tədbirlər planına uyğun olaraq, UNEC “Yer Saatı” aksiyasına qoşulub.
-nın xəbərinə görə, Universitetin tədris binalarında işıqlar bir saatlığa söndürülüb.
Aksiya 31 Mart – Azərbaycanlıların Soyqırımı qurbanlarının əziz xatirəsinə həsr olunub.
Dünya Vəhşi Təbiət Fondunun (#WWF) təşəbbüsü ilə hər il mart ayının son şənbə günü dünyanın müxtəlif ölkələrində keçirilən beynəlxalq aksiyada həyati əhəmiyyət daşımayan bütün elektrik cihazları bir saatlığa söndürülür. Aksiyanın məqsədi insanların diqqətini qlobal iqlim dəyişikliyinə cəlb etməklə, onları iqlim dəyişmələrinə qarşı qlobal mübarizədə həmrəylik nümayiş etdirməyə, enerjiyə qənaət etməyə və ətraf mühitin, planetin qorunmasına təşviq etməkdir.
