Neftin qiymətinin müşahidə olunan artımı, digər məsələlərlə yanaşı, bazarın Yaxın Şərqdəki vəziyyətə reaksiyası ilə bağlıdır.
“-Economics”in Rusiya mətbuatına istinadən verdiyi məlumata görə, bunu Rusiya Baş nazirinin müavini Aleksandr Novak deyib.
Bazarda tələb və təklif balansı məsələsinə toxunan Baş nazirinin müavini qeyd edib ki, hazırda balans məsələsində vəziyyət sabitdir.
“Son bir neçə gündə müşahidə etdiyimiz hazırki qiymət artımı bazarın Yaxın Şərqdəki vəziyyətə reaksiyası ilə də bağlıdır. Tələb və təklif balansına gəlincə, burada vəziyyət sabitdir və biz buna nəzarəti davam etdirəcəyik”, – Aleksandr Novak qeyd edib.
