Avstraliya Fələstin dövlətinin beynəlxalq səviyyədə tanınması imkanlarını müzakirə etməyə hazırdır və hesab edir ki, bu, davamlı sülhə nail olmağın bir yoludur.
xəbər verir ki, bu barədə ölkənin xarici işlər naziri Penni Vonq jurnalistlərə açıqlamasında bildirib.
XİN başçısının sözlərinə görə, Yaxın Şərqdə sülh yalnız iki dövlətin mövcudluğu şərti ilə əldə edilə bilər.
“Həqiqət bundan ibarətdir ki, həm israillilər, həm də fələstinlilər üçün təhlükəsiz və firavan gələcək yalnız iki dövlətin yaradılması, bir-birinin mövcud olmaq hüququnu tanıyan, İsrail dövlətinin yanında Fələstin dövlətinin mövcudluğu ilə əldə olunacaq”, – nazir vurğulayıb.
