Manatın dayanıqlılığına baxmayaraq, Azərbaycan banklarında kredit faizi çox yüksəkdir.
Trend-in məlumatına görə, bunu Milli Məclisin deputatı Siyavuş Novruzov parlamentin plenar iclasında 2017-ci il dövlət büdcəsinin icrasının müzakirəsi zamanı deyib.
S.Novruzov qeyd edib ki, kredit faizi yüksək olduğu üçün vətəndaşlar bundan səmərəli istifadə edə və yeni iş yerləri yarada bilmirlər.
Onun fikrincə, Azərbaycanda orta və kiçik sahibkarlıq da kreditlərdən lazımınca yararlana bilmədiyi üçün kifayət qədər iş yeri yaradılmır ki, oradan da dövlət büdcəsinə vergi ödənilsin və büdcə artsın.
