Müstəqil.Az bildirir ki,Mayın 25-də Bakı Şəhər Mədəniyyət Baş İdarəsinin M.Maqomayev adına 26 nömrəli 11 illik musiqi məktəbinin yaranmasının 40 illiyinə həsr olunmuş “Bu Dünya Bizik” adlı musiqili tamaşa təqdim olunub. Tamaşa Rəşid Behbudov adına Azərbaycan Dövlət Mahnı Teatrında nümayiş olunub.
Konsertdə Bakı Şəhər Mədəniyyət Baş İdarəsinin rəis müavini Nazim Əliyev, Musiqi təhsili və incəsənət sektorunun müdiri Bətulə Məmmədəliyeva, Azərbaycan Respublikası Mədəniyyət Nazirliyi elm, təhsil və gənclərlə iş şöbəsinin müdiri Yaşar Əliyev, Binəqədi Rayon İcra Hakimiyyəti başçısının müavini Aygün Əliyeva, Bakı şəhər musiqi məktəblərinin direktorları və digər qonaqlar iştirak ediblər.
Tamaşada M.Maqomayev adına 26 nömrəli 11 illik musiqi məktəbinin vokal sinfinin şagirdləri Respublika və Beynəlxalq müsabiqələr laureatı Quluzadə Zeynəb, Əsəd Xalidə, Əliyev Fikrət, Əhməd Xəyal, Hüseynova Selin, Həmzəyeva Səma və Ağabəyli Mehriban,,kanonda Aytel Hüseynzadə , “Fantaziya” skripkaçılar ansamblı, məktəbin xor kollektivi və xalq çalğı alətləri ansamblı öz maraqlı musiqi nömrələri ilə iştirak edib.
Musiqili tamaşada M.Deyqan, H,Giraud, V.Alyabeyv, F.Şubert, P.Logidze, V.Çiara, V.Adıgözəlov, T.Quliyev və F.Sücəddinovun əsərləri səslənib.(baku-art.az)
