Özbəkistanın Səmərqənd şəhərinin sakini Samar Mahmudov hər həftə ehtiyacı olanlara pulsuz çörək paylayır.
Müstəqil.az-ın Rusiya mediasına istinadla verdiyi xəbərə görə, Samar hər cümə günü şəhərdəki 30 saylı orta məktəbin yanına gəlir və 700-800 çörək paylayır.
23 yaşlı Samarın özünün çörək sexi var. O deyir ki, insan xeyirxah işlər gördükcə daxilən dəyişir və yaxşılaşır. Hər kəs başqa birinə kömək edə və dünyanı bir az dəyişə biləcəyi halda xeyir əməlləri gecikdirmək olmaz.
Səmərqənd sakinləri Samarın bu davranışını yüksək dəyərləndiriblər – indi hər cümə onun gələcəyini gözləyən daimi “müştərilər”i var…
Sultan Laçın
