Salyan rayon Təhsil Şöbəsinin müdiri Xudaverdi Piriyev Seyidsadıqlı kəndində özünü çaya ataraq intihar edən müəllimə iulə bağlı açıqlama verib.
Müstəqil.az bildirir ki,şöbə müdirinin sözlərinə görə 1984-cü il təvəllüdlü Dadaşova Aysel Vaqif qızının ixtisasca ibtidai sinif müəllimi olduğunu, lakin uyğun vakansiya olmadığından məktəbdə laborant kimi çalışdığını deyib: “Bu gün özüm də dəfndə iştirak etdim, Rayon rəhbərliyi hadisədən xəbər tutan kimi dərhal müvafiq göstərişlər verib. Ailəyə gəlincə, vəfat edən təhsil işçisinin ailəsi və işi ilə bağlı hər hansı problemi olmayıb. Valideynləri də hörmətli, nüfuz sahibi olan şəxslərdir. Kənddə-obada bir nəfər də onlar barəsində neqativ fikirdə olmayıb. Aysel Dadaşova dünən məktəbə gəlib, sonra evinə gedib, hadisə də axşam saatlarında baş verib. Maraqlıdır ki, rəfiqələrinə də hər hansı şikayətinin, probleminin olduğunu deməyib”.
Qeyd edək ki, 35 yaşlı A.Dadaşova 3 uşaq anası olub. O, dünən günün birinci yarısında məktəbdə dərs prosesində iştirak edib, sonra evə gələrək məktub yazıb və kənd ərazisindəki körpüyə gələrək özünü çaya atıb.
Faktla bağlı Salyan rayon Prokurorluğunda cinayət işi açılıb, araşdırma aparılır.
***
Dünən Salyan rayonunun Seyidsadıqlı kəndində özünü çaya ataraq intihar edən müəllimənin meyiti tapılıb.
Müstəqil.az xəbər verir ki, Fövqəladə Hallar Nazirliyinin dalğıc-xilasediciləri 1984-cü il təvəllüdlü Dadaşova Aysel Vaqif qızının meyitini çaydan çıxararaq aidiyyatı üzrə təhvil verib.
Məlumata görə, intihar edən 35 yaşlı A.Dadaşova kənd məktəbində ibtidai sinif müəllimi kimi çalışıb və 3 uşaq anası olub. O, dünən günün birinci yarısında məktəbdə dərs prosesində iştirak edib, sonra evə gələrək məktub yazıb və kən d ərazisindəki körpüyə gələrək özünü çaya atıb.
Orta məktəbdən bildirilib ki, onun işdə hər hansı problem olmayıb.
Faktla bağlı Salyan rayon Prokurorluğunda cinayət işi açılıb, araşdırma aparılır.
