Türkiyəli məşhur müğənni Sibel Can avtomobil qəzasına düşüb.
Müstəqil.az Türkiyə KİV-lərinə istinadən xəbər verir ki, qəza zamanı müğənni oğlu Əmir Aksüt ilə birlikdə olub.
Onlar Beşiktaşa gedərkən avtobusun törətdiyi zəncirvari qəzanın iştirakçısına çevriliblər. Belə ki, Sibel Canın avtomobili işıqforun qırmızı işığında dayanarkən arxadan sərnişin avtobusu çırpılıb.
Qəza zamanı biri uşaq olmaqla 3 nəfər xəsarət alıb. Tərəflər şikayətçi olmadığından hadisə ilə bağlı açılan işə xitam verilib.
