İranda türk dünyasının Güney Azərbaycandan olan görkəmli şairi Məhəmmədhüseyn Şəhriyarın xatirəsinə hörmətsizlik edilib.
Yayılan görüntülərə əsasən, bir qrup naməlum şəxs zorakılıq nümayiş etdirərək şairin büstünü tanınmaz hala salıb.
Hadisənin hansı şəhərdə baş verməsi ilə bağlı dəqiq olaraq məlumat yoxdur, lakin görüntünü virtual aləmdə yayan mənbələr onun Məşhəd şəhərində baş verdiyini qeyd edib.
Son vaxtlar İranda Azərbaycan türk milləti və onun tarixi şəxsiyyətlərinə qarşı təhqiramiz hərəkətlər sistematik şəkildə artıb.
Xatırladaq ki, Məhəmmədhüseyn Behcət Təbrizi daha çox Şəhriyar təxəllüsü ilə tanınan böyük Azərbaycan şairidir. Şəhriyar 1906-cı ildə Təbriz yaxınlığındakı Xoşginab kəndində anadan olub, o şeirlərini Azərbaycan türkcəsi və fars dillərində yazıb.
