TANAP qaz kəmərinin sonuncu hissəsinin açılışını noyabrn 30-da Azərbaycan və Türkiyə prezidentləri həyata keçirəcəklər.
“Daily Sabah” xəbər verir ki, bunu Türkiyənin energetika və təbii sərvətlər naziri Fatih Dönməz bildirib.
“TANAP bizim üçün ən mühüm layihələrdən biridir. Noyabrın 30-da onu istifadəyə verməyə hazırlaşırıq. Mərasimdə Azərbaycan və Türkiyə prezidentlərinin də iştirakı gözlənilir”, – deyə, nazir qeyd edib.
O qaz kəmərinin Azərbaycan və Türkiyə xalqları üçün xeyirli olacağına ümidvar olduğunu bildirib.
1850 kilometrlik TANAP qaz kəməri Avropanın enerji təhlükəsizliyini təmin edəcək. “Şahdəniz” yatağından çıxarılan qaz bu kəmər vasitəsi ilə Türkiyə ərazisindən keçərək avropa istifadəçilərinə çatdırılacaq.
