Bir neçə gün əvvəl rəqqasə Oksana Rəsulova keçmiş əri, reper Elşad Xoseni polisə şikayət etmişdi.
Sənətçi Elşadı onu döyməkdə və bıçaqla hədələməkdə günahlandırıb.
Bir gün saxlanıldıqdan sonra Xose sərbəst buraxılıb. Hər iki tərəf bununla bağlı sualları cavabsız qoyub, hətta xəbərlərin yalan olduğunu deyiblər.
Son günlər Oksana sosial şəbəkədəki paylaşımları ilə diqqət çəkib. Rəqqasə ötən gün “Ən ağır günümdə də gülümsəməyi bacarıram” başlıqlı şeir paylaşıb.
Bu gün isə Rəsulova daha bir şeir yayımlayıb. Nəzmdə “Məyus olmağın daha bir səhifəsi. Mənim qəlb dəftərimə yazıldı. Həyat axmaq filmə çevrildi. Möcüzəyə inanmadan ona yüz dəfə baxırsan. Onsuz da, kadrları dəyişə bilməyəcəksən” sözləri yer alıb.
Oksana paylaşımlarındakı şərh hissəsini bağlayıb.
