“AzPolitika.info” erməni mətbuatına istinadən xəbər verir ki, o, “Facebook” səhifəsində hökumət başçısına sərt suallar ünvanlayıb.

“2,5 il ərzində başlarının altına yastıq qoyaraq ölkənin təməldən məhv olmasına, onlarla hökumət əleyhinə QHT-nin Türkiyədən pul alaraq işləməsinə, məhdud vəsaitimizlə istifadəyə yararsız silahlar alınmasına necə icazə verdilər? Əsas müttəfiqimizlə münasibətlər necə zədələndi? Azərbaycanlılar necə Ermənistan pasportlarını əldə edib, daxildən təxribat törətdilər? Bir neçə saat ərzində demək olar ki, bütün rəsmi saytların azərbaycanlı hakerlər tərəfindən hücuma məruz qalması necə baş verdi?” – deyə Manataşyan vurğulayıb.

O vurğulayıb ki, Araik Arutyunyan xüsusi təyinatlıların qorxduğunu və döyüş tapşırığını yerinə yetirməkdən imtina etdiyini söyləyərkən haqlı olub: “2,5 ildir boş şeylər edirsən, insanların gözünə kül üfürürsən, Manvelin dadlı yeməkləri ilə şou təşkil edirsən, şeytanı və saxta adamları ətrafında tutursan. Ayıbdır, ləyaqətin olsun!”.

Müstəqil.Az