Rusiyalı milyarder Fərhad Əhmədovun keçmiş həyat yoldaşı Tatyana, keçmiş ərinin 225 milyon funt sterlinq Luna super-yaxtasını qaçırmaq üçün Xüsusi Qayıq Xidmətinin (SBS) veteranlarını cəlb edib. Müstəqil.Az bildirir ki, bu barədə DailyMail nəşri məlumat yayıb.
Xüsusi Qayıq Xidməti (Special Boat Service) Böyük Britaniya Kral Donanmasının xüsusi təyinatlı qüvvələr bölməsidir. Məlum olub ki, Aktivlərin qaytarılması üzrə xüsusi qrupa Tatyana Əhmədova tərəfindən Fərhad Əhmədovun 115 metrlik yaxtasına qarşı bir sıra məhkəmə proseslərindən sonra ələ keçirmək tapşırığı verilib.
Əhmədovanın vəkilləri Marşall Adaları məhkəmələrinin rəsmi olaraq yaxtaya sahib olma hüququnu verdiyini təsdiqləyib. “Luna” hələlik BƏƏ-nin Port-Rəşid şəhərində beynəlxalq həbs qərarı altındadır. Yaxta Əhmədovun onu beynəlxalq sulara çəkmək üçün uğursuz cəhd göstərdiyi vaxtdan oradadır.
“Luna” 2010-cu ildə Roman Abramoviç üçün tikilib və 2014-cü ildə225 milyon funt sterlinqə Əhmədova satılıb. Yaxtada doqquz göyərtə, iki helikopter meydançası, böyük bir hovuz və mini sualtı qayıq var.
Daha əvvəl Britaniya vətəndaşı Tatyana Əhmədovanın keçmiş əri, rusiyalı milyarder Fərhad Əhmədovdan “təzminat” almağa, 26 yaşlı oğlu Teymuru, eləcə də İngiltərə vətəndaşını da cəlb edəcəyi bildirilmişdi.
Boşanma prosesi Tatyana ilə neft və qaz maqnatı Fərhad Əhmədov arasında 2013-cü ildən bəri davam edir. 2016-cı ildə keçmiş arvadı milyarderə 453 milyon funt sterlinq iddia qaldırmağı bacarıb, lakin Əhmədov məhkəmənin qərarını yerinə yetirməkdən imtina edib. 2018-ci ildə məhkəmə, maqnatın sahibkar Roman Abramoviçdən aldığı “Luna” yaxtasını da ələ keçirib və Əhmədovanın mülkiyyətinə verməsini tələb edib, lakin gəminin qalib tərəfə təhvili baş tutmayıb.
Müstəqil.Az
