Azərbaycan Avtomobil Yolları Dövlət Agentliyi tərəfindən nəqliyyat vasitələrinin hərəkətinin tənzimlənməsi məqsədi ilə gecə saatlarında yolcizgi və yolgöstərici xətlərinin yenidən rənglənməsi və yenilərinin çəkilməsi işləri aparılacaq.
Agentlikdən Müstəqil.Az-a verilən məlumata görə, bu gün axşam saat 22:00-dan etibarən Səbail rayonu, Mehdi Hüseyn küçəsində, həmçinin Yasamal rayonu, Parlament prospektində üfüqi nişanlanma xətlərinin yenidən rənglənməsi işləri aparılacaq.
“Adıçəkilən ərazidə işlərin aparılması ilə əlaqədar olaraq nəqliyyat vasitələrinin hərəkəti tam və ya qismən məhdudlaşdırılacaq. Rənglənmə işləri səhər saatlarınadək yekunlaşdırılacaq”, – deyə məlumatda qeyd olunub.
Müstəqil.Az
