Türkiyə Silahlı Qüvvələrinə qarşı hücumların sifarişini verən terrorçu, İran əsilli “Rezan Cavit” ləqəbli Yusif Mehmud Rəbani zərərsizləşdirilib.
Rəbaninin PKK-nın qondarma “Haftanin əyalət başçısı” olduğu vaxt Suriyada olduğu müəyyən edilib.
Türkiyə Milli Kəşfiyyat Təşkilatı (MİT) Qamışlıda keçirdiyi əməliyyatla terror təşkilatı PKK/YPG-nin “Amude-Dərbəsiyə vilayəti”nin əsas siması Yusif Mehmud Rebanini və digər məsul şəxslərindən olan terrorçu “Ruhaz Amude” ləqəbli Mazlum Esatı zərərsizləşdirib.
Əməliyyatda iştirak edən qrup Türkiyəyə qayıdıb.
1990-cı illərdə PKK-ya qoşulan terrorçu Rəbaninin 2010-cu ildə təşkilatın İran qolu PJAK-ın ən yüksək icra orqanı adlanan “Koordinasiya Komitəsi”ndə məsul vəzifədə çalışdığı müəyyən edilib.
Təşkilatın 2014-cü ildə İraqın Qəndil bölgəsində keçirdiyi konfransdan sonra qondarma “Şərqi Kürdüstan Demokratik və Azadlıq Konqresi”nin qurucu həmsədri seçilən Rəbani PKK-nın silahlı qanadı HPG Hərbi Şurasının qurucu üzvlərindən olub.
Mənbə: Anadolu
