“Rusiyanın müdafiə naziri Sergey Şoyqu döyüş meydanındakı uğursuzluqlara görə ölkə Prezidenti Vladimir Putinin etibarını itirib”.
“Qafqazinfo” “Ukrainskaya pravda”ya istinadən xəbər verir ki, bu barədə Böyük Britaniya Müdafiə Nazirliyinin kəşfiyyat məlumatlarında yer alıb.
Britaniya kəşfiyyatı öz məlumatında əsas olaraq Sergey Şoyqunun bu xüsusda üzləşdiyi problemlərə toxunub.
“Rusiya Ukraynaya qarşı müharibədə qarşılaşdığı problemlərə görə Şoyqu Rusiya rəhbərliyindən uzaqlaşdırılıb, operativ komandanlıq isə birbaşa olaraq Prezident Putini müharibənin gedişatı ilə bağlı məlumatlandırır”, – deyə məlumatda Rusiyanın müstəqil KİV-inin bu yaxınlarda yaydığı iddialar xatırladılıb.
Britaniya kəşfiyyatı, həmçinin iddia edir ki, müharibə təcrübəsi olan rusiyalı zabitlər və əsgərlər səmərəsiz rəhbərliyinə görə çox güman ki, Şoyqunu ələ salırlar, çünki Rusiyanın irəliləyişi dayanıb.
