Avropa İttifaqı, avro zonası və əsas Avropa ölkələri 2022-ci ilin dördüncü rübündə resessiyaya uğrayıb.
Bu barədə Avropa Komissiyasının iqtisadi məsələlər üzrə Avropa komissarı Paolo Centiloni bildirib.
“2022-ci ilin dördüncü rübündə və 2023-cü ilin birinci rübündə Aİ və avro zonasının iqtisadiyyatları daralacaq, biz texniki resessiyaya doğru gedirik”, – deyə o bildirib.
Eyni zamanda, Centiloni qeyd edib ki, 2022-ci ilin birinci yarısında Aİ ölkələrində “pandemiyadan sonra intensiv artım” yaşanıb. Nəticədə, AK bu ilin sonuna Aİ-də iqtisadi artımın 3,3%, avro zonasında isə 3,2% olacağını gözləyir. Ümumilikdə, AK 2023-cü ildə Aİ və Avro Bölgəsində ÜDM-in artımı ilə bağlı proqnozunu yaz proqnozundaki 2,7%-lə müqayisədə 0,3%-ə endirib.
Digər Aİ ölkələrindən daha çox Almaniya zərbə alıb. 2022-ci ildə onun artım proqnozu 1,6%, 2023-cü ildə azalma (0,6%) gözlənilir. Əslində, Avropa Birliyinin birinci iqtisadiyyatı icma ölkələri arasında ən pis artım templərini göstərir.
Mənbə: TASS
