Bizim WhatsApp kanalımıza buradan abunə ola bilərsiniz
“Almaniyada İsrail bayrağını yandıranlar mühakimə olunacaq və ölkədən qovulacaqlar”.
Bunu Almaniyanın vitse-kansleri Robert Habek deyib.
“Antisemitizm hər bir formada qəbuledilməzdir. Berlin və Almaniyanın digər şəhərlərində islamçı nümayişlərin miqyası dözülməzdir və sərt siyasi reaksiya tələb edir”, – o bəyan edib.
Habekə görə, İsrail bayrağının yandırılması kimi antisemit hərəkətlər cinayətdir və bunu edənlər öz hərəkətlərinin nəticələri ilə üzləşməlidirlər.
“İstənilən alman buna görə məhkəmə qarşısında cavab verməli olacaq. Əgər alman deyilsənsə, rezidentlik statusunu da riskə atırsan. Yaşayış icazəsi olmayan hər kəs bu əməli ilə deportasiya üçün əsas verir. Müsəlman qrupları özlərinin tolerantlıq iddialarını sarsıtmamaq üçün antisemitizmdən açıq şəkildə uzaqlaşmalıdırlar”, – vitse-kansler qeyd edib.
Mənbə: kommersant.ru
