Sözün işığında yaşanan ömür!
Elə insanlar var ki, ömrü boyu SÖZ işığında yol gedir! Ömrünün çox illərini SÖZə sərf edir, yazıb-yaradır. Belə şəxsiyyətlərdən biri də 87 yaşına qədəm qoyan Xalq yazıçısı Anar Rzayevdir.
O, ötən əsrdən SÖZün işığıyla yol gedərək ədəbiyyata xidmət edən yazıçılardandır.
Əlbəttə, 87 yaşa çatmaq mərhəmətli və Böyük Allahın Anar müəllimə Lütfüdür!
Ağsaqqal yazıçı Anar Rzayev bu uzun illər ərzində o qədər enişli-yoxuşlu, keşməkeşli yollar keçib ki… Hansı birini deyək…
Qeyd edim ki, xeyli müddətdir görkəmli yazıçı Anar Rzayev haqqında ürəyimdən keçən sözlərimi, arzularımı yazmaq fikrində idim.
Amma onu da vurğulayım ki, Anar müəlimlə bağlı yazı yazmaq çox böyük məsuliyyət tələb edir. Axır ki, bu gün Anar müəllim haqqında onun dünyaya göz açdığı gündə bir yazı yazmaq qərarına gəldim. Deməli, qismət bu günə imiş.
Azərbaycan ədəbiyyatının çox görkəmli nümayəndələrindən olan şairlər Rəsul Rzanın, Nigar Rəfibəylinin ocağında dünyaya göz açıb Anar Rzayev.
SÖZ mülkünün sütunlarından biri olan görkəmli yazıçı, şair, alim, kinossenarist, dramaturq Anar Rzayevin bu gün dünyaya gəldiyi gündür.
Uca dağlar kimi əzəmətli, saçları bəmbəyaz olan ağsaqqal yazıçı, dəyərli şəxsiyyət Anar müəllim qol-budaq ataraq şaxələnən qocaman çinara bənzəyir sanki.
Bir fikrimi də bildirim ki, Anar müəllimi həm də mənəvi bir ocağa bənzətmək olur.
O, SÖZ Səltənətinin mənəvi ocağıdır. Kaş ki, o ocağın işığı, nuru əbədi, sönməz olsun! Anar müəllim ömrü boyunca bir şəxsiyyət kimi daima olduğu ucalıqda qalsın!
Azərbaycan Yazıçılar Birliyinin sədri, görkəmli yazıçı Anar Rzayevin bu dünyadakı varlığı sözün əsl mənasında çox-çox böyük əhəmiyyət kəsb edir desək, yəqin ki, yanılmarıq… Bəli, bu, həqiqətən də belədir.
Düşünürəm ki, uca bir dağa bənzəyən Anarın bir şəxsiyyət kimi böyüklüyü, eləcə də Azərbaycan ədəbiyyatındakı danılmaz xidməti onun haqqında söylənilən bu dəyərli sözləri, bir daha təsdiq edir.
Anar müəllimin SÖZ mülkündə yanan çırağı hər zaman işıq saçsın, şöləsi azalmasın! Bu müdrik insanın çırağı həmişə şölələnsin, yanar olsun!
Ona ömrünün bu müdrik çağında, bu əlamətdar gün münasibətilə uca, Böyük Allahdan həyatın ən şirin neməti olan can sağlığı diləyirəm!
Hörmətli Anar müəllim! Ömrünüz boyunca ovqatınız xoş və bahar ətirli olsun!
Bu həyatın bütün gözəlliyi, xoşbəxtliyi ömrünüzü gözəlləşdirsin, yolunuzu nura boyasın! Əziz Anar müəllim, ulu Tanrı sizi Yerin-Göyün bəlasından, pis günlərdən, şərdən hifz etsin!
Hələ neçə illər gənclik eşqilə yazıb yaradasınız. Yazan əlləriniz heç vaxt yorulmasın! Canınız sağ, işiniz avand, yollarınız işıqlı, ömrünüz xeyir-dualı olsun hörmətli Anar müəllim!
Anar müəllim, sizin povestləriniz, romanlarınız və eləcə də hekayə və pyesləriniz oxucularınız təfəfindən həmişə sevilə-sevilə oxunur.
“Beşmərtəbəli evin altıncı mərtəbəsi”, “Təhminə və Zaur”, “Dədə Qorqud”, “Ağ liman”, “Dantenin yubileyi”, “Mən, sən, o və telefon”, “Ağ qoç, Qara qoç” kimi bir çox əsərləriniz daima sevilərək oxunub deyə bilərəm.
Həmçinin sizin “Sizsiz” adlı əsəriniz də çox maraqlı və həm də çox oxunaqlıdır. Bu əsəri oxuyanlar yəqin ki, mənim fikilərimlə razı olar.
Qeyd edim ki, bu əsərdə həm yazıçı haqqında, həm də onun ailə üzvlərilə bağlı fikirlər yer alıb. Elə bu baxımdan da “Sizsiz” adlı kitab yüzlərlə oxucunun masaüstü kitabıdır.
Saf mənəviyyata malik olan şəxsiyyət, ziya çırağınız şölələnsin, daima yanar olsun deyirəm!
Yazıçı kimi yüksək zirvəyə sahiblənmiş Anar müəllim həm də çox xeyirxahdır. Bütün bunlarla yanaşı O, həm də mərhəmətli qəlb sahibidir.
Bu fikirləri Anar müəllimi yaxından tanıyan bir çox ziyalılar və tanınmış şəxsiyyətlər zaman-zaman müsahibələrində söyləyiblər.
Xalqın sevimli yazıçısı Anar müəllim, nə yaxşı ki, bu məmləkətin SİZin kimi dəyərli ziyalısı, dəyərli şəxsiyyəti var!
Əsərlərini sevə-sevə oxuduğumuz sevimli yazıçımız, sizi yeni yaşınız münasibətilə səmimi qəlbdən təbrik edirəm! Arzulayıram ki, bu dünyanın bütün gözəllikləri nəsibiniz olsun kaş ki!
Ömrünüzü xoş yaşayın, çox yaşayın!
SÖZ işığında getdiyiniz yollar heç zaman qaranlığa bürünməsin, ömrünüz-gününüz nurlu olsun! Oxucuların sevimli yazıçısı Anar Rzayev, ömür yollarınızı nurlandıran işığınız qaralmasın, sönməsin!
Qələmə aldığınız çoxlu sayda maraqlı, oxunaqlı əsərlərlə, iti qələminizlə könüllərdə taxt qurdunuz, Türk dünyasının əziz və sevimli yazıçısı Anar Rəsul oğlu Rzayev! Ömrünüzü bahar ətirli çiçəklər bəzəsin!
Onu da deyim ki, Azərbaycan ədəbiyyatında öz sözünü deyə bilən, ədəbi irsi ilə tanınan və heç vaxt unudulmayacaq yazıçıdır Anar müəllim…
Anar müəllimin bir yazıçı kimi müasir nəsrimizdə də yeri həqiqətən danılmazdır. Söz yox ki, bu, birmənalı olaraq belədir…
Allahın bəxş etdiyi ömrü doya-doya yaşayın, yazın, yaradın, əzizimiz, hörmətli yazıçımız!
Nə yaxşı ki, Azərbaycan ədəbiyyatında və nə yaxşı ki, bu gözəl dünyamızda varsınız!
Əziz Anar müəllim! Hələ neçə illər varlığınız olsun bu şirin dünyada, bu doyumsuz həyatda! Var olun, yaşayın, yazın, yaradın!
Arzum budur ki, uca Tanrı ömrünüzü bərəkətli etsin əziz Anar müəllim!
Ehtiramla və sayğılarla!
XATİRƏ ƏZİZ Rəhimli
şair-publisist
