Biz Azərbaycanla Monteneqro arasında münasibətlərin inkişaf səviyyəsindən çox məmnunuq.
Bunu Azərbaycanın xarici işlər naziri Elmar Məmmədyarov Bakıda səfərdə olan monteneqrolu həmkarı Srcan Darmanoviçlə birgə mətbuat konfransında deyib.
Onun sözlərinə görə, iki ölkə arasında münasibətlər beynəlxalq təşkilatlar çərçivəsində də yüksək səviyyədədir: “Mən monteneqrolu naziri Ermənistan-Azərbaycan, Dağlıq Qarabağ münaqişəsi barədə məlumatlandırmışam”.
E.Məmmədyarov qeyd edib ki, hazırda ölkələr arasında 4 sənəd müzakirə olunur: “Biz həmçinin, enerji sahəsində əməkdaşlıq perspektivlərini müzakirə etmişik. Monteneqro Azərbaycan qazının alınmasında maraqlıdır”.
